Babae nasakote sa P2.2 milyong shabu
COTABATO CITY, Philippines — Isang 32-anyos na babae ang agad na inaresto ng mga pulis matapos silang bentahan ng P2.2 million na halaga ng shabu sa isang entrapment operation sa bayan ng Buldon sa Maguindanao del Norte nitong umaga ng Biyernes, June 13, 2025.
Nakadetine na sa Buldon Municipal Police Station ang suspect na kinilalang si Saima Guialoden Mundas na nahaharap sa kasong paglabag sa Comprehensive Dangerous Drugs Act of 2002.
Sa ulat nitong Biyernes ni Police Brig. Gen. Romeo Juan Macapaz, director ng PRO-BAR, naikasa ang naturang anti-narcotics operation sa tulong ng mga local officials sa Buldon at mga impormanteng alam ang malakihang pagbebenta ng shabu ng nakadetine na si Mundas at ilang mga kasabwat na mga residente rin ng Buldon at ilang mga bayan sa Maguindanao del Norte.
- Latest
